Bragðgóð jólagjöf fyrir sælkerann og þau sem eiga allt! Hér er um að ræða kaldpressaðar hágæðajómfrúarolíur beint frá spænskum bændum í fallegum íslenskum umbúðum.

Askjan er tilvalin í jólapakkann - falleg gjöf sem er heilsubætandi og gleður bragðlaukana í senn!

1 án gjafaöskju = 2500 kr.
2 í gjafaöskju = 4800 kr.
4 í gjafaöskju = 9200 kr.

Vinsamlegast sendið pantanir á mundo@mundo.is (pantanir eru sóttar á skrifstofu Mundo á Eiðistorgi).

Nánar um Búkonuolíurnar:
Búkonuolían er unnin úr fyrsta flokks ólífum frá Extremadura-héraðinu á Spáni sem frægt er fyrir landbúnað. Olían er framleidd hjá fjölskyldufyrirtæki sem stofnað var árið 1942 og hefur hún hlotið fjölda verðlauna. Allar olíurnar frá Búkonu eru kaldpressaðar jómfrúarolíur (e. extra virgin) og er það hæsti gæðaflokkur. Ólífuolíurnar eru ekki bragðbættar en eru unnar úr mismunandi þrúgum og þrúgublöndum. Þær má nota í alla matargerð og einnig til steikingar, en þá á að hita hana hægt.

Gulldropinn (tilvalin til steikingar og út á allt):
Gulldropinn er unninn úr manzanilla-þrúgunni. Olían er fagurgræn með ríku ávaxtabragði og jurtakeim. Gott jafnvægi er í fersku bragði olíunnar og hún hefur eftirbragð sem rífur í!

Platínudropinn (tilvalin til steikingar):
Platínudropinn er unninn úr blöndu af manzanilla- og morisca-þrúgunni. Olían hefur milt ávaxtabragð þar sem léttir tónar beiskleika og piparbragðs kallast á í góðu jafnvægi.

Lífræni dropinn (tilvalin til inntöku og út á salat):
Lífræni dropinn er unninn úr 100% lífrænu hráefni. Olían er gerð úr ólífum sem fást af elstu ólífutrjánum (Olivos centenarios), en þau eru oft yfir 100 ára gömul. Helstu þrúgurnar sem notaðar eru í lífrænu olíuna eru Verdial de Badajoz, Carrasqueña og Morisca. Frískleg olía með hnetueftirkeim.

Ávaxtadropinn (tilvalin út á salatið):
Ávaxtadropinn er unninn úr morisca-þrúgunni sem upprunnin er í Extremadura-héraðinu á Spáni og er ein mest ræktaða ólífuþrúgan á svæðinu. Bragð olíunnar ber keim af þroskuðum quince-ávöxtum, anís, fíkjum og eplum. Margslungið bragð hennar einkennist því fyrst af sætleika, þá kallast milt rammt bragð á við milt piparbragðið, en eftirbragð olíunnar hefur ríkan keim af þroskuðum ávöxtum.